einst liebte ich
kletten
und mich in
brennessel
zu betten

doch seit
in meinem
blumenbeet
diese edle
rose steht

seh ich sogar
den löwenzahn
mit andren
augen an

(juli 2010)

© by elis rotter

i bin waach
so waaach

eigwaakt
in a große woikn

de gaunz schnö
imma gressa wiad

drum kaun i mi
aa drauf valossn

dass mi
iagndwaun
in an gewitta

wieda
ausschpuckt


(mei 2010)

© bei da elis rotter

i bin bis zum raund
augfühd

ois drahd si

ois grinsd ma
entgegn

de viecha
de pflaunzn
und sogoa
de leid

voi fett


(aprü 2010)

© bei da elis rotter

a euzal groggi
a bissl augschlogn
a schpua zaumprackt

owa dafia
voi featig

(aprü 2010)

(c) bei da elis rotter

i wü kaan
reim
schleim
schpeim

drum
loss i´s
reim
schreim
bleim


(mai 2009)

© bei da elis rotter

es große glick
waun ma bewusst wiad
dass ma nix wäh duad

es große glick
dass ma jedn tog wea sogt
wie geana mi hod

es große glick
dassi ned nochdenkn muaß
obi ma a lewakassemmö
um 2 euro iwahaupt leisten kau

es große glick
wauni siech
dass auf de baam
äh no bladdln wochsn

is da grund
warum i ned
lotto schpü


(novemba 2008)

© bei da elis rotter

i kreu de wänd hoch

asoa plafon
is boid eareicht

und daun foah i
duach de deckn

direkt ins freie

du kaunsd jo daweu weida
im kölla
deine leichn
eibalsamian


(septemba 2008)

i gschpias

wias laungsaum
von untn aufa griacht

wias ma eischiaßt

haaß und koid

de ganslhaut
stöd ma de hoa auf

kaun aun nix
aundas meha denkn

mei fantasie gähd
mit mia duach

i wea imma geila
und geila

jo, jooooooooo

mia kummts glei







es näxte gedicht


(mai 2008)

© by elis rotter

laungsaum, gaunz laungaum
trepfln de ideen
in mei hian eina

auwo bevua no a gedicht
draus wean kennt

sans meist scho wieda
vadunst

(aprü 2008)

© bei da elis rotter

die gaunze zeid hobi glaubt
i briat iwa ana guadn gschicht

bis i gmerkt hob
dass des ei auf dem i sitz
scho zum miachtln aufaungt

(aprü 2008)

© bei da elis rotter