ma kaun si
gaunz leicht
de finga
vabrenna

und oft hod ma
an bledsinn
dahea gredt

ma kau
wos aundas hean
ois wos ana
gsogt hod

und vaschaut
hod si aa scho
a jeda

maunches geht an
aafoch ned untad
nosn

owa seit waun
irrt si
a gfüh?

© bei da elis

es wurde
aus liebe
schon viel
über liebe
geschrieben

worte
sind übrig
geblieben

sich
nicht mehr
in liebe
der liebe
verschreiben

heißt das:
die liebe
kann bleiben?

(mai 2012)

© elis rotter

vabrodsd dei göd
fia heazaldosn

und kibeweis
fia rote rosn

legst tausende
fias liab sei hin

wo bleibt do
da gewinn

herr valentin?

(februa 2012)

© bei da elis rotter

jez is ma
da fodn grissn

und i waaß ned
soi i schdickln

oda glei
en gaunzn fezn
zreißn

(juli 2011)

(c) bei da elis rotter

i schau
duach

und frog mi

wea wü
heitstog no
lecha stopfn


(juli 2010)

© bei da elis rotter

warum kau ma aafoch
de augn zua mochn
wauma wos
ned segn wü

owa ned
de nosn eiziagn
waun aan wos
aunschdinkt

und no vüü bedaualicha:

ned de uahn
zuakloppn
waun wea
an schaas redt

(mei 2010)

© bei da elis rotter

wüvü
kalorien
hot de
karolin
eigendlich
ghabat?


(dezemba 2009)

© bei da elis rotter

wos mocht ma
wauns fia an schodn
afoch
ka begrenzung
gibt

wauna ausufad
wauna iwa gähd
wauna imma greßa
und greßa wiad

und du danem
a klans zweagal

eam ins aug schaun

des aug is owa
in ana hechn
desd nedamoi
mehr mid ana
lata daglengsd

und du wiasd migrissn
von ana wön
noch da
aundan

no hoidsd di
iagendwie hoid
hoidsd di
es hoit di

hoit!!!

(aprü 2009)

warum sprecht ihr von uns
als zivilgesellschaft

in welchem krieg
befindet ihr euch?

(dezemba 2008)

© bei da elis rotter

wauni deina meinung noch
ned ansehnlich bin

wieso schaust du daun so?

(novemba 2008)

© bei da elis rotter