sozial-kritisches

28
Jul
2014

anstand…


heast
schtö di
gföllichst
hintn au

heitztog
is ma nimma
zuvorkommend

(juli 2014)

© bei da elis

11
Jul
2014

helpline...


i waaß wos se woin
und zwoa gaunz genau
nua is des ned mei auftrog
oiso gähts mi a nix au

do kauni nix dafia
des is ned mei bia
und a ned mei revia

i waaß wos ihna föht
owa fia des kriag i ka göd
oiso haum sa si vawöht

i kaun nix dafia
is ned mei bia
is a aundas revia

owa jo, i huach ihna scho zua
se redn vo aundare poa schua
oiso gems jez a ruah

(juni 2014)

(c) bei da elis

12
Mai
2014

aufgebärden…


starrt sie dich fortweg an
weil sie´s nicht begreifen kann

gebärde dich

dreht einer sich vor schreck
einfach von dir weg

gebärde dich

falls du jemanden empörst
weil du ihn nicht hörst

gebärde dich

wenn eine mit dir spricht
und schaut dem dolmetsch
ins gesicht

gebärde dich


gebärde dich wo geht
bis jeder dich versteht


© bei da elis

15
Dez
2013

vawünsch di ned…


wünsch da kan
roischduhi
waunsd z'laung schdäh muaßd
bei an leiwaundn gig

sog ned dass du
blind bist
waunsd kann blick hosd
fias glick

wünsch da ka
rechte prothesn
zu deine
zwa linkn händ

sog ned dass du
taub bist
waunsd ned heasd
wos so rennt

du host zwa händ
und beide haxn
gaunz ausgezeichnete uhan

oiso moch do
kane faxn
gaunz schnö
hosd wos valuan

zwa gsunde augn
und sichsd aafoch ned
wia guad dass da gähd

i muaß da des jez sogn
oida, red ned so bled

(dezember 2013)

© bei da elis

1
Nov
2013

übers mobben...


flashmob...

mobbing
fläscht


wisch mob...

am liabstn dädi
dei dreckschleida
aafoch
wegmoppen


mob...

und jez waaß i a
warum des
mobbing
haaßt

(c) bei da elis

2
Mai
2012

hüflos...

des hoda si
ned vadient

so lem
z´miaßn

und genau
deswegn

hüft eam
aa kana

(mai 2012)

© elis rotter

dafia...


se kennan
jo nix

owa i aa ned

drum weri
nie

sei

natialich
duri weida so

ois ob

(mai 2012)

gedanken zur behindertenpolitik
der so genannten unbeeinträchtigten

© elis rotter

30
Mrz
2012

hindanis...


am
vahindan
vom
behindan
ghindat
wuan

und voi
gegn
de bande
tuscht

(mäaz 2012)

© elis rotter

18
Jan
2012

wehrpflicht...


waun di
wea dazua zwingt
dassd di vua eam
in gatsch schmeißt

weah di

waun da
ana vuaschreibt
wos du denkn, glaubn
und jo ned hintafrogn soisd

weah di

wauns da
daun aa no mid
heimat
patriotismus
und vatalaundstreue
dahera kumma

weah di

(jänna 2012)

© bei da elis rotter

29
Nov
2011

teire foab…


jez waaß i
warum si oft
grod de

mid da
ungsundasdn
solariumbräune

am meisdn
iwa de
schwoazn
aufregn

(nowemba 2011)

© bei da elis rotter
logo-neu

bei da Elis

Buchtipp


elis rotter
hört, es menschelt

Aktuelle Beiträge


elis - 3. Jul, 10:33

elis - 3. Jul, 10:32

elis - 22. Mai, 08:59

elis - 4. Mai, 08:57

elis - 4. Mai, 08:55

Blogs

Besucher

User Status

Du bist nicht angemeldet.

Suche

 

Status

Online seit 4524 Tagen
Zuletzt aktualisiert: 3. Jul, 10:41

Credits

vi knallgrau GmbH

powered by Antville powered by Helma


xml version of this page
xml version of this topic

twoday.net AGB


a intro
beobachtungen
Elis beim Poetry Slam
english
feststellungen
fragen
gemischtes
gschdanzln
haiku
herbstlesung 2005
Herbstlesung 2008
kurzgeschichten
lesung gegen gewalt
liebe
lyrikwettbewerb gewonnen!
sozial-kritisches
... weitere
Profil
Abmelden
Weblog abonnieren