a bissl a regn
regt mi ned
auf

auwa
wauni mi im regn
nimma regn kau
regt mi da regn
aa ned
au


(aprü 2010)

© bei da elis rotter

a euzal groggi
a bissl augschlogn
a schpua zaumprackt

owa dafia
voi featig

(aprü 2010)

(c) bei da elis rotter

jeder
von herzen kommende
gute wunsch

jedes
spontan erwiderte
lächeln

jede
liebevolle
umarmung

sind wichtige
hilfsbaustoffe

zur errichtung
eines stabilen
seelengebäudes


(april 2010)

(c) bei da elis rotter

gestan hobi
mei eastes fraunkäfal
vo heia gsehng

owa bevua i no olle
ihre punkte
hob zöhn ghenna

hods scho
ohghom ghobt

noch mariabrunn

(aprü 2010)

(c) bei da elis rotter

putzn, wischn, scheian
trogn, schleppn, ohzahn
grobm, aushem, buddln
aupflaunzn, eisetzn, aussaahn
stuzn, ausrupfn, ohschneidn
bewässan, giaßn, aaufüün

en liegestuhi
imma wieda amoi
ohschdaum

(aprü 2010)

© bei da elis rotter