wünsch da kan
roischduhi
waunsd z'laung schdäh muaßd
bei an leiwaundn gig

sog ned dass du
blind bist
waunsd kann blick hosd
fias glick

wünsch da ka
rechte prothesn
zu deine
zwa linkn händ

sog ned dass du
taub bist
waunsd ned heasd
wos so rennt

du host zwa händ
und beide haxn
gaunz ausgezeichnete uhan

oiso moch do
kane faxn
gaunz schnö
hosd wos valuan

zwa gsunde augn
und sichsd aafoch ned
wia guad dass da gähd

i muaß da des jez sogn
oida, red ned so bled

(dezember 2013)

© bei da elis

flashmob...

mobbing
fläscht


wisch mob...

am liabstn dädi
dei dreckschleida
aafoch
wegmoppen


mob...

und jez waaß i a
warum des
mobbing
haaßt

(c) bei da elis

und laungsaum gfriast ei
dei krone bladdlt scho oh
nua es grüst bleibt schdeh

(c) bei da elis

gegn bledheit
gibts ka greidl

aussa brechwurz
vielleicht

(c) bei da elis

wea häd si
des denkt
dass

in da fruah
a bissl gstessn
zwean

so schee
sei kau

(oktoba 2013)

(c) bei da elis

gestan wori
gaunz schee
heagricht

des howi owa
iwaschminkt

(oktoba 2013)

(c) bei da elis