jeder
von herzen kommende
gute wunsch

jedes
spontan erwiderte
lächeln

jede
liebevolle
umarmung

sind wichtige
hilfsbaustoffe

zur errichtung
eines stabilen
seelengebäudes


(april 2010)

(c) bei da elis rotter

a wochhund
wauna hinta da tia schdähd

a jogdhund
wauna a leifige hindin riachd

a kaumpfhund
wauna um sei puppi raafd

a schoßhund
wauna mid de öffis foahd

a tussihund
waun i a rosa gwandl auhob

a fiffihund
wauna unbedingt wos hom mecht

a stura hund
wauna iagndwos ned mochn wü


a hundiana hoid...


(aprü 2010)

(c) bei da elis rotter

a schoafa gruch
waht ma entgegn

is leicht schowieda soweit?

schnö! bringts ma
a nosnzwickal

daun gibt’s heit obnd
a bärlauchpesto


(aprü 2010)

© bei da elis rotter

scheazkeks im sackl
a gschpaslawal im semmal
und aa muads gaude
in da theamosfloschn

vahungan weri ned

(c) bei da elis rotter

i hob jez amoi
es rezept glesn
und de zutatn kauft

kocht wiad
waun zeid is

(februa 2010)

© bei da elis rotter

wira scheiße aum schuach
ohne wiesnschtickl

wira rozgleckal
ohne toschntiachl

wira duachfoi
ohne heisl

so is

a vois gackal-sackal
ohne mistkibä


(jänna 2010)

© bei da elis rotter

du kaunsd mi!
du kaunsd mi wiaklich amoi!


freindlich frogn
obi vielleicht zeid fia di hob

du kaunsd mi!

höflich bittn
dassi wos dua fia di

du kaunsd mi gean hom!

und zwoa so, wiaris vadien

und du kaunsd jez

a aundare
umadumkommandian
und fia deppad hoidn


(jänna 2010)

© bei da elis rotter

mei hund is a
frecha hund

mei koda is a
kuula hund

mei bua is a
ohdrada hund

mei oida is a
faula hund

und i bin a
oama hund


(jänna 2010)

© bei da elis rotter

waeu i kaan poista hob

streck i mi noch da deckn

owa do san lauta lecha drin

oiso leg i mi aufd kantn

und moch de augn zua


(dezemba 2009)

© bei da elis rotter

schdö da vua
a vuabüd
schdöd si
vua

und du
sichsd
nix


(dezemba 2009)

(c) bei da elis rotter