i schdeig ei
aundare steign dazua
und imma meha
schdeign ei

es wiad laungsaum
eng

i denk ma:
guad dass olle
am bodn schaun

sengs mein
grinsa
ned

(juni 2010)

© bei da elis rotter

vua lauta
neawosität
de flitze
griagd

und glei
ausgschissn
ghobt

(juni 2010)

© bei da elis rotter

putzn, wischn, scheian
trogn, schleppn, ohzahn
grobm, aushem, buddln
aupflaunzn, eisetzn, aussaahn
stuzn, ausrupfn, ohschneidn
bewässan, giaßn, aaufüün

en liegestuhi
imma wieda amoi
ohschdaum

(aprü 2010)

© bei da elis rotter

gschneizt und kamplt
in picobelloschuach

de knepf auf sein
neichn aunzug
haun das aug auße
vua lauta glizan

und dea grinsa...

dazua a peamanenta
gudaonkl-blick

so schdäda plözlich
vua dia

und ned
auf pferdefiaß

(mäaz 2010)

© bei da elis rotter

voi lustich sein
owa ohne humor

si endlich wos traun
owa ohne gefoah

seha vü zum redn
owa goanix zum sogn

mehrere gänge
owa kaum wos im mogn

uandlich vü saufn
und iwahauptnix vatrogn


(dezemba 2009)

© bei da elis rotter

bist du deppad!
i wea narrisch!
a waunsinn!
i zuck aus!

bist du gscheid!
i glaub i spinn!


(nowemba 2009)

© bei da elis rotter

a klana niaßa in spittelau
und olle schaun di au
ois warasd du a sau

(nowemba 2009)

© bei da elis rotter

du ziagsd
von aan büd
zum aundan

a fades aug

es red ana
iwa ois
nua ned
iwa
de büda

a lange weile

daun
reimt si
no a
typ
eine

sehr übel

wiad da

de aufstrich
richtn di wieda
a bissl auf

das buffet ist eröffnet

noch a poa
achtaln
gockln
eitle gecken
tierisch
um einbüdte offn
umadum

pfau!

soo vü haaße luft
brennt in de augn

dia is zum
wana

du gehst zaus
und denkst da:

so maunche
vernissage
in wean
is arsch

(oktober 2009)

© bei da elis rotter

de heipn skeipn

schreim gschichtln
ins gsichts-biachl

und bloggn oft o

dazwischen
zwitschans
a bissl



(sebtemba 2009)

© bei da elis rotter

in den 70ern

A: welche hälfte willst du?
B: is ma egal
A: mir auch
A: na sag - grün oder orausch?
B: mia is wirklich wurscht
A: na gut, dann nehm ich das grüne!

B: ich versteh nicht, warum ich immer
das orauschane krieg, dabei mag ich
das grüne viel lieber…


in den 80ern

A: wo magst denn sitzen, mitte oder hinten?
B: is ma egal
A: mia eigentlich auch
B: such dir was aus
A: o.k. dann nehm ma letzte reihe

B: ich weiß nicht, was die alle mit
der letzten reihe haben, da is doch das
ganze kinogefühl beim teufel…



in den 90ern

A: störts dich wenn ich rauch?
B: tu nur
A: machts dir wirklich nix?
B: aber wo, ich hab ja früher auch graucht
A: na wenns dich nicht stört…

B: supa, jez wird wieder mein gwand schtinkn
- aber was hätt ich denn sonst sagen solln



in den 00ern

A: du, darf ich da am schädl scheißen?
B: vomiaraus
A: wensd ned magst, dann sags
B: na, na… passt schon


(september 2009)

(c) by elis rotter