68er..
68z´g zentimeta laung woan deine hoa
und jez frisieast da
de letztn 68z´g fedan
vom aan zum aundan oah
68z´g joint hosd graucht
in zwa monat
mainchmoi in aan
jez trinkst deine 68z´g bier
weu drogen vabotn san
68z´g moi haums di bei de demos
wegtrogn miaßn
und jez duasd schee brav
deine 68z´g rosnschteck giaßn
68z´g weiba hosd gschnaxlt
wia waun nix waa
heite zoisd 68z´g euro
fia aamoi alaa
68z´g politische paroln host ghennt
gegns eteblischment
68z´g varuckte büda host gmoint
in 68z´g vaschiedane foabn woasd gschoint
jez host 68z´g dunkle krawattn im schraunk
und des gaunze 68z´ga theata
des mocht di kraunk
(aprü 2008)
© bei da elis rotter
elis - 22. Apr, 23:56
3 Kommentare - Kommentar verfassen - 0 Trackbacks