a rathausfrau woins
asoa schwochsinn!

haum de kane aundan suagn
de greanan weiba…

de soin liawa leana
wia ma büllicha kocht

bei dera wiatschoftsloge

de kennan froh sein
wauns iwahaupt hackln geh diafn

bei dera oabeitsmoaktloge

a rathausfrau
do head si do ollas auf!

de hysterikarinnen
brauchn ka fraunsymbol
sondan an gscheidn mau
dea eana de wadln wieda viare richt

so schauts aus!


(februa 2009)

© bei da elis rotter und div. ForenschreiberInnen

du brauchsd ma nix sogn
i waaß es wiad schpäd

auwa daun: vagiss de bluman ned

du brauchsd ma ned dazöhn
wos ollas ned gähd

nua aans: vagiss de bluman ned


i wü goa nix hean
des is ma ois z´bled

vagiss gaunz afoch de bluman ned


(februa 2009)

© bei da elis rotter

dich ersinnen

nicht aneignen
nicht erklären müssen

dich erfahren

nicht behirnen
nicht erfragen wollen

du würdest dadurch
sinn
los


(Jänner 2009)

© by Elis Rotter

a bänka und a panka

san duach de baunk
kraunk

zeascht mochns a bank
und daun
a bankl

(jänna 2009)

© bei da elis rotter

es hängd ma bei de uahn außa
und i bin scho leichd vaschnupfd
oiso bleib ma vom hois

und pass auf
dass di ned vakühsd

(dezemba 2008)

© bei da elis rotter