i hob
imma glaubt

des mit de
stutn

is nua
a gerücht

bis is
easchte moi
bissn wuan
bin

(juni 2011)

© bei da elis rotter

waun mei hund
auf jedn oatgenossn
schwaafwedlnd
zuwe rennt

deafa si ned
wundan

wauna
hie und do
ane ohkriagd

(juli 2011)

(c) bei da elis rotter

da greßte föla
is dea
den ma
wissentlich
mocht

wissentlich
und imma wieda

© bei da elis rotter

iagndwie is scho schod
dass bei uns de
aumpln ned glei
von rot
auf
grean
umspringa

(juli 2011)

© bei da elis rotter

blau gfruan
und scho fost
orausch im gsicht

is eam auf aamoi

gaunz schwoaz wuan
vua de augn

(juli 20100)

(c) bei da elis rotter

die theorie
geht in der praxis
meistens unter

(c) bei da elis rotter

de dauand wos
zum eakläan
zum heazeign oda
zum faschdeckn hod

ned de sei miaßn

de „drozdem“

so gschickt
so gscheid
so schee
so sexy
so schdoak
so tolarant
so talentiert
so tüchtich

so woswasi wos is

des warad mei anzichs
„besondares bedüafnis“


© bei da elis rotter