vaschnupft, schdingad, augfäeud
is hinta da
vuaghoidanan haund
bliem

zwieda, zuanig, vahäamd
hod sis
söwa unta de haut
griem

augfressn, sott, gnua ghobt
owa imma no ned
gschpiem


(oktoba 2011)

(c) bei da elis rotter

staatsvatrog..

midn vatrogn
is bei uns
ka staat zu mochn

drum seids endlich staad
und vatrogts eich


-------------------------------


staat(s)vertrag…

was ich an unserm staat so mag
sind seine vielen fehler
doch was ich weniger vertrag
sind seine blau/orangen wähler


-------------------------------


östareich…

i mechad di vatrogn
in olle wind
damidi daun
in an jedn wingl
auf da wöd
a schdiggl
heimad
find


(c) bei da elis rotter

letzter sonnenstrahl
im bunten blätterstrudel
geht den bach runter

© by elis rotter

kastanienreis
abgeschüttelt und püriert
ein verkehrsopfer

© by elis rotter

gfäuld
oogrennt

aa weng
hoipadadschig
daheakumma

a bissl
gstoipad

owa drozdem
guad gaunga


(oktoba 2011)

© bei da elis

a glozada mau
mid an pepi
is wira
blade frau
mit ana
gerti

(septemba 2011)

(c) elis rotter