a söö von an mensch…
du bist a düsn
mit supasprühkopf
und turboauntrieb
a varruckts hendl
des goidane eia legt
a narrische gas
die jedn bock
zum gäatna mocht
a steila zauhn
mit biss
a hoate nuss
mit heaz
a eahliche haut
mit vü gfüh
und a frau
de waaß
wos sie wü
(juni 2011)
(c) bei da elis rotter
elis - 23. Jun, 21:26
3 Kommentare - Kommentar verfassen - 0 Trackbacks
Tschif (Gast) - 24. Jun, 10:42
so scheee ...
... hots no neamd bedichtet :-)
(mia wissn, wensd manst:)
bugü
(mia wissn, wensd manst:)
bugü
elis - 24. Jun, 12:34
na moment...
da missjona…
da güntha, es wissn ålle scho,
is aus da steiamoak
und wåun a si bemüht
dåun böda äh nedamoi so oag
in seina schissl fiada stroh
und eftas a plakate
von leom nåch wean
do kennd a ålle plangwadrate
er måcht si stoak
fia di leobener kultur
und stäaka no fias gössa bier
kummt ma oft fua
eigendlich fadienda scho
de goidne nodl von leobn
oda zumindest gherada
in den leobna ådl ghobn
er is a echta steira missiona
und bet uns täglich fua
wie klass´ ned in leobn wa
von jedn winkl, jeden spezi
jeden festl in leobn
soins wos erfoahn
de gscheadn weana drobn
jo günthale, mia glaum das äh
de steiamoak is wiaklich schee
åchta Oktoba 2004
© by elis rotter
Trackback URL:
https://elis.twoday.net/stories/29752410/modTrackback