raunzn, sudan, lamentian
üban tod sinnian

stänkan, audrahn, keppln
aundre busarian

siaßln, schleiman, buckln
hintrucks intrigian

einemischn, aufmischn, driba wischn
wem wos ume schmian

und nie dabei
des goidne wiena heaz
valian


© bei da elis rotter

des is ois

a trauagschpü
a drama
a tragödie

vielleicht aa a
tragigkomödie

wea waaß…


na egal

auf jedn foi
sitz i
im foischn
füm

(april 2009)

© bei da elis rotter

ned brodn - ned gsottn
ned guad - und ned schlecht

ka licht - und kane mottn
ned foisch - owa aa ned echt

a poa baam - des is no ka woid
a klans haus - san no laung kane heisa

ned woam - owa aa no ned koid
ka bettla - auwa laung no ka keisa

a bladl ohne wind
a mutta ohne kind
a heisl ohne papier

des san mia, des san mia


nimma gaunz schteu - owa aa no ned floch
a kölla, via wänd – owa no ohne doch

ned goa so oid - auwa aa nimma jung
a scheene schaukl - owa fost ohne schwung

no ned vakauft - owa fost scho varodn
nimma gaunz häu - owa no ohne schodn

a suppn ohne soiz
a gramml ohne schmoiz
a eiskostn ohne bia

des san mia, des san mia


(märz 2009)

© bei da elis rotter

dich ersinnen

nicht aneignen
nicht erklären müssen

dich erfahren

nicht behirnen
nicht erfragen wollen

du würdest dadurch
sinn
los


(Jänner 2009)

© by Elis Rotter

a bänka und a panka

san duach de baunk
kraunk

zeascht mochns a bank
und daun
a bankl

(jänna 2009)

© bei da elis rotter

viele alte
naive
sind auch keine
alternative

(dezember 2008)

© bei elis rotter

waunsd a lebawuascht
in an hefal
aurieasd

daun kummt dabei
meißtns
a schmoan außa

(dezemba 2008)

© bei da elis rotter

waun ma mid ana
enteischung aufaungt
waaß ma, dass ma jez
a gauns a schiache
oabeit vua sich hod

umso scheena is
waumma mid dera scheiß hockn
daun endlich fertich wuan is

(novemba 2008)

© bei da elis rotter

rechte frauen

kämpfen
an der seite von
unter und für

rechte männer

(november 2008)

© by elis rotter

ea woa da jingste
da schnöste
da vatraunswürdigste
im windkanal

und auf amal…
dopingskandal

sie woa die scheenste
die natialichste
die aufrichtigste
im szenelokal

und auf amal…
dopingskandal

ea woa da greste
da eafoigreichste
da eahlichste
im bärental

und auf amal…
dopingskandal


(oktoba 2008)

© bei da elis rotter