i waaß
waun di ana aubettlt
schausd deswegn gaunz finsta grådaus
wåusd söwa so oam bisd
dassd eam nedamoi
an blick schenkn kaunsd

i waaß
waun ana oidn frau
de eikaufsdåschn åwe foid
wexlsd nua deswegn schnö de schdråßnseitn
wåusd aungsd håsd
dass da de oide mid ihan steckn ane umebråd
waunsd di bucksd

i waaß
waun se in da U-baun a schwoaza zu dia sezd
schdähsd nua deswegn glei auf
damid dei weiße westn ned dregich wiad
ea kenntad jå åfeam

und waun ane midn kindawagl
ind schdråßnbaun eischdeign wü
gähsd deswegn zu ana aundan dia
damidsd iha ned im weg bisd

i waaß
du söwa bist jå im grunde
a heaznsguada mensch
nua de wöd is hoid so schlechd

(februa 2006)

© bei da elis

Übersetzung:

die welt ist schuld...

ich weiß
wenn dich jemand anbettelt
schaust du nur deswegen ganz finster geradeaus
weil du selbst so arm bist
dass du ihm nicht einmal
einen blick schenken kannst

ich weiß
wenn einer alten frau
die einkauftasche zu boden fällt
wechselst du nur deswegen schnell die straßenseite
weil du angst hast
dass sie dir mit ihrem gehstock eins überbrät
wenn du dich bückst

ich weiß
wenn sich in der U-bahn ein schwarzer zu dir setzt
stehst du nur deswegen gleich auf
weil du angst hast
dass deine weiße weste schmutzig wird
er könnte ja abfärben

und wenn eine mit dem kinderwagen
in die straßenbahn einsteigen will
gehst du nur deswegen zu einer anderen türe
damit du ihr nicht im weg bist

ich weiß
du selbst bist im grunde
ein herzensguter mensch
nur die welt ist eben so schlecht

(c) by elis

mia håm um åchte daham sei miaßn
mia håm no unsare dedschn griagd

und uns håds aa nix gschåd


mia håm uns ned aufmuckn draud
mia håm imma gmåcht, wås ma uns gsågt håd

und aus uns is drozdem wås wuan


mia woan ned augschnoid im auto
mia san mit 3 joah scho allanich bliem

und mia håms aa übalebt


mia håm zaus hackln diafn
mia håm von an tåschngöd nua draamd

und mia woan drozdem glicklich


ka åhnung fia wås de gaunzn psüchiata gibt
de heitsdåg umadum renna


(oktoba 2005)

© by elis rotter

gwinnt ane
a gaunze million

griagi glei a erektion


vapåckd ana
sei frau in dosn

wiri feichd in meina hosn


vagrobd ane im woid ia kind

i kauns eich goa ned sogn
wie geil i sowas find


sticht a bua den aundan nieda
siechi im feansehn de tsunami büda
reißt da höriken a stådt davo

belebt des voi mei libido


(september 2005)


© bei da elis rotter

schaaasaugada, pass aauf, bisd du leichd blind?
asoo, fazeih
de drei punkte übasiecht ma hoid so gschwind

heasd, bisd du dearisch oda wås?
asoo, fazeih
de höageräte san heit wiaklich nimma groß

oiso dees ghead need nua mid da gåbl gessn
asoo, fazeih
du kaunsd ned aundas – håb i gaunz fagessn

aufrecht muass da mensch duachs lebn geh
asoo, fazeih
naujå, im sitzn is jå aa recht schee


(juni 2005)

© bei da elis rotter